كان وااقفا

موضوع: كان وااقفا الإثنين أكتوبر 22, 2007 5:34 pm

كان واقف .. !

كان واقف .. بينه وبيني مسافه
وكنت واقف .. بيني وبينه مسافه
كنت أشوفه مقبل .. وما كنت أخافه !

وليه أخافه ؟!

وأنا من صغري حبيّب .. كنت طيّب

خطوة ..خطوة
والمسافه صارت أصغر

خطوة .. خطوة
وخوفي اللي ما أبي أبديه يظهر!!

خطوة .. خطوة
خوفي صار أكبر .. وأكبر

قرّب أكثر ...
صرت أشوفه لكن بليا ملامح !
قرّب أكثر ...
صرت أشوف الشر في عينيه واضح !
قرّب أكثر ...
وجهه العابس يكدّر !

ضقت منه ...
وكل ما قرّب أخاف أكثر وأكثر
ضقت منه ...
وإمتلاء بالدمع دفتر !!

وش يبي بي؟! ...
وش بلاه أقبل عليّ بكل شره
وش يبي بي ؟!...
وش بلا فرحي بعد ما كان أكبر مـ المجره / صار ما يسوى بقايا غبار جره
صار ذره !

أو .. تبدد !

كان يا ما كان فرحي ... صار جرحي !

وانا من خوفي أردد ...

وش يبي بي ؟ ... وش يبي بي؟

قرّب أزود

وقال أنا " حـــزنـــك " حبيبي !

(!!) طيب إبعد وش تبي بي؟

قال: أنا مالي وطن إلا عيونك ..!
وحالتي صعبة بدونك..!
لو تخلوا كل أصحابك ... فلا يمكن أخونك !

صرت أخافه
...... وصرت أخافه

وابتدت رحلة حزينة ... في ممرات المدينة
من معاناة وتعب ... هم وكسافة!

وآآآآه يا طول المسافه
وآآآآه يا بعد المسافه

وصارت القصة قديمة ... ابتدت من وقت ماضي
كنت أقاوم فـ البداية ... صرت راضي !

طالت المدة وطوّل إنتظاري ... عفواً أقصد احتضاري !
وصرت أعد أيام عمري .. منتظر لحظة سكوتي
بس

هالمرة سكوت بنوع آخر ... أعني " موتي "

والحزن لا زال صادق في وعوده ... كان أوفى من حبيبٍ خان في لحظة عهوده

للحزن فيني ملامح

الحزن .. ضحكة غريب !

الحزن .. شايب يعيّ لا يشيب !

كنت مثل الطفل ضايع في شعيب .. وكان حزني ذيب !

من زماااااان كنت طيّب .. وكنت من صغري حبيّب
كنت أظن العاقل اللي ما يأذي .. ما يجيه الحزن أو حتى يطوله
كانت أمي اللي تقوله .. وكنت أصدق!!
يا براءات الطفولة ..
يا براءات الطفولة ..

صرت أخافه
........و صرت أخافه

إن حضر أموووت منه !
وإن سلا عني بغيري ... أترقب رجعته وأموووت منه!

كان من قلبي قريّب
وكان لا مني بغيت أضحك ..
يشيّب بي .. وأشيّب

يا معاناتي الكثيرة ..
يا عباراتي الأخيرة ..
يا مألفني بصدر الهم .. سيرة !

يالحزن ..
ما عاد أبي قربك .. كفااايه
يا كثر ناسٍ بتوفي لك وفايه
يالطريق الي تعبت أمشيه .. تايه !!

وكل ما قلت النهاية ..
عدت تأليف الحكاية ... مـ البدايه

وكان واقف .. !!

كان واقف
بينه وبيني مسافه

وكنت واقف
بيني وبينه مسافه

بس هالمرّة أنا اللي جيت يمّه ..
شاعرٍ يكتب قصيدة تهنئة بـ ميلاد " همّه

موضوع: رد: كان وااقفا الخميس أكتوبر 25, 2007 7:09 pm

صراحه شيئ جميل

والله يعطيك القوى والعافيه

ومزيدا من التقدم والتواصل

ولكي مني ارقى تحيه

موضوع: رد: كان وااقفا السبت أكتوبر 27, 2007 12:41 am

القلب الحزين

هلا بك
نورت الصفحه يالغـــــلآ

[size=24]يعطيك العافيه حبيبتي

تسلم يدك

تحياتي[/sie]

موضوع: رد: كان وااقفا الأحد نوفمبر 04, 2007 1:14 am

لسعة شقاوه

نورتي الصفحه يا عسسسسسسسل

الله يعطيك العافيه ياعسل على مجهودك المبذول في جميع اقسام المنتدى ..